Årstalet 2010 laga med stjerneskot av 4 personar
Publisert: 02.01.10
Skribent: Sveinung Klyve - tekst og foto
Me gjekk inn i eit nytt år med under 20 minus på Voss, fullmåne og ein halvmeter med tørr fin snø.
Dette har me ikkje opplevd på lenge, ja minst 10 år. Og godveret er meldt minst ei veke til. Ja denne jula har folk verkeleg fått prøvd seg med god gamaldags vinter med kulde og masse kjekke ativitetar.
Godt nytt år til alle
Fullmåne og under minus 20 grader på Vossevangen om kvelden nyårsaftan.
Klokka er 24 og fyrverkeriet går i veret.
Ikkje rakettar som i gamle dagar, men akkurat passeleg og stort sett forvarleg over Vossevangen.
Aller tryggast er det å stå inne og kikka ut.
Så senkar freden seg over Vossebygdene att.
1. januar 2010 er det klart og fint og ein skitur til Raugstad og Hangur gjer seg. Horndalsnuten i bakgrunnen.
Sola skin der framme på Valberget då me er på veg gjennom eventyrskogen
På Hangur opnar viddene seg og solnedgangen er vakker over Gråsida.
Raugstadløypa er no veldig bra.
Så er det herlege unnabakkar heilt heim att til huset i Gullfjordungen.