Du tek 80 km nordvestover frå Alta i retning Tromsø og kjem til Brødskift , 5 km før Alteidet.

Bilturen innover gjev mange fine fjordopplevingar med rolege fjell ved Alta og spisse tindar når du nærmar deg Øksfjord og grensa mot Troms.

 

  Minus 25 grader og det kokar over fjorden når sola står opp.

 

Vinterleg eventyr er namnet på  eit kortkurs på Øytun folkehøgskule i Alta 5-8. februar 2009 . Bjørn Michalsen er lærar innan ski og skred.  Han er guide for oss på turen til Øvre Tverrelvtind den 7.2.09.  Det er minus 20 ned ved Brødskift når turen startar.  Normalt er her fleire meter med snø, men i år er det under det halve. Me er ein gjeng på 8 personar som fylgjer ein skogsveg oppover gjennom tett bjørkekeskog. 900 høgdemeter over oss ligg den bratte fjellsida under Øvre Tverrelvtind.  Me skal gå opp den venstre av to markerte botnar/renner.  Skogen opnar seg der me vinn nye høgdemeter og tek matpause på 500 moh.  Bjørn fortel  om skredfareproblematikk i slike bratte fjell.  Over oss reiser fjellsida seg i 30-40 graders helling og er difor potensiell rasfarleg.  - Det er for tida liten rasfare på grunn av hard skare og lite laussnø oppå.  Dette endrar seg fort og må vurderast fortløpande, seier Bjørn. 4 av gruppa har ikkje solid nok skiutstyr til å gå vidare oppover i bratta og trener heller på telemarksving i lågare terreng.

 

3  av oss vert med Bjørn vidare oppover.  Undervegs fortel han om sikre og usikre stader med omsyn på ras.  Me går i sikk sakk  oppover gjennom små botnar og under fjellhammarar, og er snart under toppstupet av fjellet.  Her må me  ta mot venstre på ein slakare avsats som gir ein bratt men grei veg mot toppen. Her oppe er det mykje varmare enn i dalbotnen og me vert gode og varme i motbakken. Det siste stykket mot toppen vert det bratt og  litt isete, så det er lettast å ta skia på ryggen. Så opp den siste bratte kneiken, og me nesten tippar over kanten og er inne på  det avflata topplatået.  Her møter ei fantastisk utsikt oss der me går det siste stykket opp til toppvarden. Sjølve toppflata går nordover mot Ruselvtind og vestover mot Nedre Tverrelvtind.  Me ser Øksfjordjøkulen mot nord og fjordar og fjell i Kvenangen og vestover mot Troms og Lyngen. 

 

 Me tek opp den venstre renna

 

Me vinn høgde og får vid utsikt ned mot Brødskift og bakover mot Finnmarksvidda

 

 

 

 

Toppvarden på Øvre Tverrelvtind på 1010 moh. med panoramautsikt

 

 

Tindaa og breutsikt

 

 

 Kvænangstidane reiser seg opp bakover

 

 Utsikt mot Troms og Lyngen

 

 

Flat fokksnøslette før det stuper bratt ned over kanten.

 

 Klar for bratt nedtur