Det er no midtsommar og den ljosaste årstida. Å liggja ute på ein fjelltopp i finver no er verkeleg ei oppleving. Du treng berre komma deg opp over skogen til eit høgdedrag. Der oppe i ope landskap får du utsikt over himmelen og stemningane som skiftar gjennom døgnet og med veret.
Nede i skogen ligg skodda tjukk og gjev ein fantastisk stemning når sola står opp i ein sprakande "fyrverkeri."
Bilda her er teke på Bjørndalskamben natta til 23.6. 2010. Klokka 3 om natta er himmelen raudfarga av sola som er under horisonten, men på veg opp.
Hurrungane i Jotunheimen er over 2200 m høge og stikk opp mot nordaust ca 80 km i luftlinje unna.