Terrenget  flatar ut og legg seg fram til den store varden. Her er utsikta fin, men du må ca 100 m fram til sjølve stupkanten for å få den kjende Vassfjøra-utsikta. Me har brukt ca 2,5 timars gange frå Kaldevasshytta til toppen på 1633 moh.

Du får eit kringjå med Hardangerfjorden. Du ser rett ned mot Osafjorden, Ulvik og Solsævatnet. Du ser dei 4 breane Hardangerjøkulen, Folgefonna, Jostedalsbreen og Fresvikbreen og Hårteigen på Hardangervidda.  Me sit i 2,5 time ute på kanten stupet og nyt utsikta.  Oppe att ved varden møter me seks spreke damer som har gått opp frå Slondalen ved Mjølfjell.  Me seier hei og hadet og fortset i rask fart nedover att same vegen som me kom. Me ser Her mot vest Lønahorgi og Kvitanosi sine toppar.  Jotunheimen med Skagastølstindane og Falketind ca 90 km unna kan me sjå mot nord.