.. til Roset
Publisert: 01.09.09 Skribent: Sveinung Klyve, tekst og foto
DEt er no masse sopp i skogen, så det er berre å ta turen ut.
Dersom du ikkje er sikker på soppar, så sjå i avisa når det er soppkontroll.
Plukk berre dei du er sikker på.
I helga køyrde me til Gjedle og gjekk tur til Roset. Det er no fin, grusa veg opp til saga. Herifrå går det t-merka løype oppover. Det tek ca ein time og er ein god kneik opp.
Det er fuktig terreng så der er lurt med støvlar. Det var regn og skodde , men likevel ein fin tur.
Undervegs var det mykje fin sopp. Me plukka berre dei sikre.
Vanlegvis er det fin utsikt over Vossevangen frå Roset, men skodda låg tett, så me fekk berre korte glimt av bygda.
Sjå meir frå området i Sveinung klyve si bok"Turar på Voss" frå 2006.
Matriske er ein fin matsopp med grøne flekkar oppå og gulrotsaft når du bryt han.
Kantarell er den finaste matsoppen og lett å kjenna att.
Kantarell veks nede i mose og lyng og går i eitt med gule bjørkeblad.
Våt og bratt sti opp mot Roset.
Endeleg på Rosethytta.
Pause i regnet under ei skjørtegran.
Fin raudskrubb, god matsopp.
Steinsopp, fin matsopp.
Fine kyr ovannfor Gjedle.
"Heksering" ein ring med sopp.
Raud flugesopp - giftig.
Matriske - fin matsopp.
Fin utsikt ovef Voss frå Gjedle.
Rediger